Op Oedingsch Striek van domme Jonges

Krefeld · Öm et von vöre-erinn te sage: Wenn ich noch en Jöngke wor, do wor ech jewess net de Bravste. Och de Blage van de Traarer Strooet tösche Bäckeree Jörtze on de Bäckerei Düllingen wore jewess net de Bravste.

Wo Blage tesaame speele, jöw et näewe dä übliche Striet och völl Jemeinsamkeete. För en Beispill: Kooem dä Trecker voll möt Rohzucker, verpackt en Säck, keeke mer Böesch, dat mer möt en Metzke sonne Sack opschniee on de rieselnde Zucker en Tüete opfange denge . Dä denge mer dann möffele of dovan Toffee maake! Trappiert worde mer nie, bloss samstdes, wenn mer jebicht hann, mosse mer för de Buße fönf Vaterunserr bäene.

Oser Jongesstriek wore: Wenn et düster word, meeke mer Schellemännekes. Dann nohme mer de Been en de Hank on rande öm de nächste Ecke. Enne angere Striek jing so: Dur dä Jummiring van en Seltersfläsch word en dicke Schruuw jesteckt. Dodran kooem en dönne Kord, wo mer hankbreets Knötsche meeke. Met Speu word dä Jummirung on Schruuw an de Fenstschiew jedeud, on nau jeng mer möt Dumm on Zeijefenger langes die Kord on jedde Knötsch meek dann klack! Do word dä jröttste Müschmann wach. Mar, mer hant nie jett kapott jemekkt - ausser dat mer os kapott jelacht hant, wenn sech jömmes opreeje deng.

Op Hallowieen han ech nau ne Dommejongsstriek erläwd, wodröwer mer jriene mott. Mer fohre so öm 11 Uhr owends jemäklich öwer de Parkstrooet. En Höehe van de Heinrich-Theisen-Strooet enne laute Knall, dat wor all mehr en fiese Knalleree. Direkt anjehaalde on jekeeke wat wor. Möt de Fahrerdüer haie mer Rührei maake könne. Eikloor on Eidotter leepe de Düer langes. Domme Jonges hadde op oser Auto wennistens drei Eier jeschmeete on wore dann em Stadtpark verschwunde.

De Polizei sait: "Sie sind nicht der erste, der dieses meldet." Op sonn Stärkmanesse sollde mer doch honged fuule Eier schmiete.

KÖEB UUT OEDING

(RP)
Meistgelesen
Neueste Artikel
Zum Thema
Aus dem Ressort