Op Oedingsch Ohne Schutzengel jeht et net

Krefeld · Jens es en Jöngke van fönf Johr on wor nau möt Oma on Opa em Zirkus Krone. Dat es wat för Kengerherze. Oser Jöngke, wat sech all jood en alle Zoos van de Umjebung uutkennt, kreij jroote Ooge. Dat enne Löew och duur et Füer sprenge konnt, dat hat hä em Zoo noch net jesehnn. Wat koss Jens lache öwer de Clowns. Mar dat Jrötsde wore de Trapezkünstler, die so effe duur de Loff flooge. "Das möchte ich auch einmal!" sait Jens för Papa, wenn dä dat Jöngke noe Bed brait.

En Week laater wor Oma Nies bee Jens tehuus. "Oma, gehst Du mit mir mal eben zum Kinderspielplatz da vorne?" Oma jeng on flöcks sooet Jens op de jroote Schaukel. Oma stellde sech donäewe. Dann dait se bee sech: "Booer, wat kann osere Stropp all hoch schaukele, janz alleen on met ohne antedäue. Die Schaukel jeng emmer höhjer. Hä hatt den Boog ruut. Doch wat wor dat? Wenn die Schaukel vöere op de höchste Punkt anjekooeme wor, leet Jens de Schaukel los on floog em hohe Boog duur de Loff on kladschde op de Booem op. Doe bleew hä legge - op de Knie on de Kopp em Sangk - on reppde sech net mehr. Oma Nies bleew et Häz fass stohnn! Se störzde sech op ehr Enkelkengk nohm et janz höeschkes op de Ärm, et Köpke an de Bross, en jeng wie em Droem op de nächste Bangk tuu. Nau merkde se, dat en paar Dröensches uut Jens sin Ooge kullerde. "Hä lääwd!" . Se dröckde dat Jöngke fass an sech. Noe en paar Minüdde sait Oma: "Beweg mal ganz langsam Deinen Kopf!" Jens deng, wat Oma wollde on et jeng. Dä Doktor sait laater: "Alles in Ordnung!" "Was hast du einen guten Schutzengel gehabt!" sätt Oma Nies on deet bäene: "Halt dinHangk emmer öwer oser Jöngke!" Mar hütt hät Oma Nies noch Alpdröem.

K ÖEB UUT OEDING

(RP)
Meistgelesen
Neueste Artikel
Zum Thema
Aus dem Ressort