Op Oedengsch En schön Städtsche

Krefeld · Wä kennt net dat Ledsche "Als wir jüngst in Regensburg waren, sind wir über den Strudel gefahren"? Hütt fährt kinner mehr öwer de Strudel, sondern jeht öwer die bald 500 Meter lange Steenerne Bröck en die schöne Stadt erren. Die Bajuware, die des Bröck vör mehr wie 800 Johre jebaud hadde, mennde no, dat se domet et achde Weldwonger no Regensburg jehold hadde. Van die Bröck uut kosse mer all die staatse Törm vam Dom on all die angere Törm van ellef Kerke bewongere on dann noch die van die Patrizierhüeser.

Je rieker dä Hosbes wor, öm so höjer wor däm sinne Turm am Huus. On dovan jooew et enne janze Hoop. Em Meddelalder wor Rejensburg sojett wie en Reichshauptstadt möt enne prächtije Reichsaal em Stadthuus. Och hant mer os dat Schlooet van Thurn on Taxis aankieke dörve. Mer wore spetz drop, bee Fürstin Jloria en Tass Kaffe te krieje, mar die wor jrad op de Jagd. Nix Kaffe! Mar anstatt en Owendäete en de Wooschköek orjanisiert. Die Wooschköek es - noe de Dom on et Stadthuus - möt de jröttste Attrakzion.

Dat wor ens die Baubuud van de Bröckebauer. Mehr als 30 Lütt passe doe net op eemol dren. Op hatte Bänk denge mer drop waade, wat op de blanke Dösch kooem. Bee os wor dat Ärpelszupp, suure Kappes möt aach kleene Wöschkes vam Jrill on booewedrop enne Appelstrudel. Dobee dronke mer en lecker schwatt Bier, on wemmer dat all em Buck hadde, stalpde mer noe't Konzert van de Rejensburjer Domspatze. Dat wor en Konzert! Ose Buck hai och jäer en paar Töen avjejäewe.

Mar dat dorwde net sien. Dat könnt ehr öch wahl denke. Drei Dag lang send mer nau duur Rejensburg hin on her, krüz on quer op et Koppsteenplaster jeloope, bes de Küte on Pöet lahm wore. Mar et wor richtich schöen! KÖEB UUT OEDING

(RP)
Meistgelesen
Neueste Artikel
Zum Thema
Aus dem Ressort