Heukeshowwer Platt Enn Krosschott jehört enn jeden Huushaalt

Hückeswagen · Heukeshowwen Ett sall mi enns ehner enn Heukeshowwen kummen unn särren, bi ännen teheem jöwet kinn Krosschott. Kallent mi doch nech vann drüjen Eerpeln. . . Wecker sät, sowatt jöwet bi ännen nech, ess opp Dütsch jesacht enn Köcken-Autist. Ätt oder hä lücht. Off du nu urahle Köcken-Schäpper häss oder förr duusende vann Euros dänn "derniär Krie" vann jesteilter Köcke ahnjeschafft häss - öwwer kott oder lang jöddet ehnt, watt die Jennerazzijonen verbingen deet: Datt ess datt Krosschott.

Heukeshowwen Ett sall mi enns ehner enn Heukeshowwen kummen unn särren, bi ännen teheem jöwet kinn Krosschott. Kallent mi doch nech vann drüjen Eerpeln. . . Wecker sät, sowatt jöwet bi ännen nech, ess opp Dütsch jesacht enn Köcken-Autist. Ätt oder hä lücht. Off du nu urahle Köcken-Schäpper häss oder förr duusende vann Euros dänn "derniär Krie" vann jesteilter Köcke ahnjeschafft häss - öwwer kott oder lang jöddet ehnt, watt die Jennerazzijonen verbingen deet: Datt ess datt Krosschott.

Datt nötzt ock nex, datt ätt de "Frau Saubermann" enn Person ess oder hä dä "Mister Klinkefiester". Sässmol emm Johr kannzet opprühmen unn all dänn Prüll wi'er ahn Oort unn Ställ dauen. Veierti'en Daach dropp esset wi'er so wie ett wohr - enn Krosschott.

Watt ess dann nu all dodrenn? Dobie jo eck nech vann onsem eijenen utt. Eck haal meck do leiwer ahn dänn statesteschen Ömmfroren. Fangve enns ahn opptetällen: Strickspons-Dös'cher mett affjebrangten Strickspön, mehr wie ehnmol jebruckde Tangstocher, Ennmaakensjummi, enn paa Wäscheklamern, enn ahl Täschenmätz, enn paa Batterien förr de Täschenlampe, vann dännen me nech jenau weet, off se noch oppjeladen si'en. Dann ock noch enn Flecken förr dänn Farrad-Schlauch, drüje Jummilösong, enn Stöck verknörwelden Droht unn enn ahlen Bängel. Tämpo-Täschendäuker unn enn Tüttchen mett Klimmöppe-Sot förret Freujohr send ock drenn.

Dänn ahlen Zollstock, wo twölf Zäntimeter fählen, kamme jo ock nech so ehnfach fott schmitten. Ock nech die rästlechen Schruwen vamm Ikea-Stauhl. Watt me emmer derek bi de Hank häwwen mott, ess watt Schmirjelpapier unn ock dänn ahlen Kamm, wänn dä neuje affjebrocken ess. Affjeseihen vann dänn krommen Närreln, di me emmer alt enns jraad hauen wullte, lett ock mols noch die ahl Brell näwwer de Scheide.

Sövvet Opptällen drahn jäwwen. Krosschötter send datt A unn O enn jedem oppjerühmten Huushaalt. Die lotten seck meesdendeels ock so schwor oppträcken, weil seck dä kaputte Zollstock oder die ahle Brell verkantet häwwen.

Nu hävve dä "Klamer" töscher all dänn Heukeshowwer Jennerazzijonen als "Kulturjuut ierschder Klasse" enn wördech Dänkmol jesatt. Vi künnten jo ock noch vamm Oldern kallen. Äwwer datt dauve leiwer nech. Töscher all dämm Prüll, dä do owwen steht unn römmlett, send janz bestemmt Klamotten dobie, die unger dänn Artenschotz fallen. Unn do kännt dä Landeskonserwater unn die büngerschde Dänkmol-Behörde emm Schlott kinnen Paddong. Als Mattströter kann eck enn Lied dovann sengen. . .

(rt)
Meistgelesen
Neueste Artikel
Zum Thema
Aus dem Ressort