Heukeshowwer Platt Dauent ämm enn Stoppen ennet Honn

Hückeswagen · Heukeshowwen Sövve enns ehrlech si'en: Enn jedem Heukeshowwer Verein send enn paa dobie, opp die me nech verzechden kann. Tamm Beispell emm Chor. Off emm Tenor oder emm Bass, emmer ess ehner dobie, dä alt sämtleche Ehrennodeln vamm Düttschen Sängerbond hätt unn trozzdämm sinn Läwen lang so scheef jesongen hätt, scheewer jenget ja nech.

Heukeshowwen Sövve enns ehrlech si'en: Enn jedem Heukeshowwer Verein send enn paa dobie, opp die me nech verzechden kann. Tamm Beispell emm Chor. Off emm Tenor oder emm Bass, emmer ess ehner dobie, dä alt sämtleche Ehrennodeln vamm Düttschen Sängerbond hätt unn trozzdämm sinn Läwen lang so scheef jesongen hätt, scheewer jenget ja nech.

Hä mach woll sewwen, acht Derrejänten öwwerlävvt häwwen, dännen hä secher unn wahrhaftech mett sinnem Singsang enn stöckwächs ennet Jraww jeholpen hätt. Die Sangesbräuer nämmen sonne "Sänger vor dem Herrn" äwwer enn Schotz, unn vörr dä vöörjehaalenen Hank heddet: "Dänn mövve enn bettchen affdäcken." Worömm? Hä lött seck nech ahnhaalen, wänn ehner enn Ronde schmitten sall. Hä orjanisiert de Vaderdachstour, unn hä kütt ock bi dänn Wiewern jodd ahn. Jeder Jesangverein weet: Opp enn Eck-Bass unn enn Star-Tenor kamme verzechden. Opp dänn nech. Offwoll dä "Tütten-Dritter" alt förr änn jesacht hadde: "Setz Dich, Du brummst!"

Bi dä Rämmy'schen Kapäll bleis dä Johann Tenorhonn. Hä kunnte kinne Noten läs'n, äwwer als "Lückenfüller" bi Marschmossek emm dredden Jlied moche hä mett. Hie unn do kom ock enns enn Ton, dä do nech henn passde, utt dämm Dengen. Dann hadde dä ahl Rämmy mols jeraupen: "Dau'ent dämm Johann enn Stoppen ennet Honn!"

Äwwer dä Johann betaalde dänn dubbelden Beitrach unn kunnte so nätt Witze vertällen. Mett angeren Wöördern: Die Ehnen künnen Noten läs'n, die Angeren ahn ehnem Strippen Witze vertällen. Me mott seck froren lotten, watt förr de Alljemeinheit wechtejer ess.

Die Zo'ete jöddet ock bimm Fussball. Opp jedem ahlen Fotto vamm Raspo stohen näwwer dänn Haupsmattadoren Ke'erls mett Schleps unn Kraren. Ohne die "Betreuer". jeht janex. Freuher mochen die Fraulüh vann dännen de Trikkos wäschen. Völl vann dännen dä'en de Bälle flicken, de Färkensblos oppblosen unn ahn de Schnabelsmöll oder bimm Beielsteen de ierschde Ronde jäwwen. Off se nu verspellt oder jewunnen haddenOhne Betreujung kamme nech spellen.

Off de Ierschde FC Köln oder de Raspo - datt hölt seck de Woch. Unn, datt esset ock, watt dä Börjemeester bimm Neujohrschämmfang jesacht hätt: "Jederehner ahn sinnem Plazz." Off hä nu sengen kann oder nech, off hä ohne Stoppen blosen kann oder bloß so deet, off hä henger dämm Ball her löppt oder hengerm Tor doförr sorcht, datt datt Spell am Loopen blivvt, datt ess doch ejaal. Watt dä Börjemeester verjätten hätt te särren: "Hauptsaake, hä betallt sinne Stü'ern pönktlech."

(rt)
Meistgelesen
Neueste Artikel
Zum Thema
Aus dem Ressort